Non-violent Communications(NVC)

ကျွန်တော်ဟာ အတော်ဒေါသကြီးပါတယ် ဒေါသကို မထိန်းချုပ်တတ် ပြောချင်တာ စွတ်ပြော လုပ်ချင်တာ စွတ်လုပ်တတ်ပါတယ် ဒေါသကို ထိန်းဖို့ နည်းလမ်းလေးတစ်ခုကို စာဖတ်သူကို မိတ်ဆက်ပေးချင်ပါတယ် ဒါကတော့ အကြမ်းမဖက် ဆက်သွယ်ဆက်ဆံရေး အကြောင်းလေးပါ ဒီအကြောင်းလေးကို စတင်မိတ်ဆက်ပေးတဲ့ သူငယ်ချင်း မိရွှေပကို ကျေးဇူးတင်ပါတယ်။ အားလုံး ဒေါသကို ထိန်းသောက ငြိမ်းနိုင်ကြပါစေ။

Non-violence Communications(NVC) အကြမ်းမဖက်ဆက်သွယ်ဆက်ဆံရေးသည် စိတ်နေစိတ်ထား ပင်ဖြစ်သည်။ နည်းလမ်းမဟုတ်။
NVC သည် ကျွန်တော်တို့ကို နှလုံးသားကလာတဲ့ အရာကိုသာပေးတတ်အောင် သွန်သင်ပေးတဲ့ ဆက်သွယ်ဆကိဆံရေး တစ်ခု ဖြစ်ပါတယ်။
ကျွန်တော်တို့နဲ့ အခြားသူတို့ရဲ့ နက်ရှိုင်းတဲ့လိုအပ်ချက်တို့ကို ကြားနိုင်အောင် အကြမ်းမဖက် ဆက်သွယ် ဆက်ဆံရေးကိုအသုံးပြုသောအခါ ကျွန်တော်တို့ရဲ့ဆက်ဆံရေးကို အမြင်သစ်တစ်မျိုးနဲ့ မြင်လာပါတယ်။
NVC ဖြစ်စဉ်
 လေ့လာအကဲခတ်ခြင်း (မိမိတို့၏ ဘဝပြည့်ဝမှုကို ဖြည့်စည်းစေမည့် လုပ်ရပ်များကို လေ့လပ်အကဲခတ်ခြင်း)
 ခံစားချက်ဖေါ်ပြခြင်း (လေ့လာအကဲခတ်မှုနှင့်ဆက်နွယ်သော ခံစားချက်)
 လိုအပ်ချက်ဖေါ်ပြခြင်း (လိုအပ်ချက်၊ တန်ဖိုးထားမှု၊ ဆန္ဒစသည်တို့သည် ခံစားမှုကိုကို ဖြစ်ပေါ်စေသည်)
 မေတ္တာရပ်ခံခြင်း (မိမိတို့ဘဝပိုမိုပြည့်စုံလာအောင် သီးသီးသန့်သန့်လုပ်ရပ်တစ်ခုကို မေတ္တာရပ်ခံခြင်း)

အစိတ်အပိုင်းလေးခုပါဝင်သော ရိုးသားသော ဖွင့်ထုတ်ပြောဆိုခြင်း
အစိတ်အပိုင်းလေးခုပါဝင်သော ကိုယ်ချင်းစာစိတ်ဖြင့် နားထောင်ခြင်း
အင်န်ဗီစီဟာ ဘဝမှာ အသုံးတည့်တဲ့ စိတ်ထားဖြစ်ပါတယ်။
မိသားစုမှာ၊တစ်ယောက်နဲ့တစ်ယောက်ဆက်ဆံရေးမှာ၊စာသင်ကျောင်းတွေမှာ၊ထောင်တွေမှာ၊အဖွဲ့အစည်းတွေမှာ ထိရောက်မှုရှိဘို့အတွက် ဒေါသ ကိုယ်တွယ် ထိန်းသိမ်းရေးမှာ၊ဒေါသကို မထိန်းချုပ်နိုင်ပဲ မလုပ်သင့်တဲ့အရာ ကို လုပ်မိတတ်တယ်။ဒေါသထွက်ရတာဟာ မပြည့်ဝတဲ့ လိုအပ်ချက်တွေကြောင့်ပါလားဆိုတာ အင်န်ဗီစီက သင်ပေးလိမ့်မယ်။စီးပွားရေးနယ်ပယ်မှာ။ ။စီးပွားရေးသမားအချင်းချင်းကြားမှာ ဖြစ်စေ၊ ဖောက်သည်တွေနဲ့ ဖြစ်စေ ဒီနည်းကို သုံးပြီး ကိုယ်ရဲ့အလုပ်သမားတွေကြားမှာရော ပေါင်းသင်းဆက်ဆံရေးပိုမိုကောင်းလာပြီး စီးပွားရေးလုပ်ငန်း တွေလည်း တိုးတက်အောင်မြင်လာမယ်။
ပဋိပက္ခကိုဖြေရှင်းရာမှာ အင်န်ဗီစီနဲ့ဆိုရင် ပဋိပက္ခဖြေရှင်းဘို့ ပိုမိုလွယ်ကူလိမ့်မယ်။ ကြားဝင်စေ့စပ်မှု တွေမှာ အင်န်ဗီစီနဲ့ မဖြေရှင်းပဲ ရှင်းနိုင်မယ်ဆိုတာ သံသယရှိတယ်။
ဘဝရှင်သန်မှုကို ဆန့်ကျင်သော ဆက်သွယ်ဆက်ဆံရေးဆုံးဖြတ်ခြင်းမခံစေလိုလျှင် သူတစ်ပါးကိုလည်း မဆုံးဖြတ်လိုက်ပါနဲ့။
တစ်ချို့သော ဆက်သွယ်ဆက်ဆံရေးအသုံးအနှုံးတို့သည် မိမိကိုယ်ကိုဖြစ်စေ၊ သူတစ်ပါးကိုဖြစ်စေ အကြမ်းဖက်သောအပြောအဆိုများဖြစ်ကြသည်။ ထိုအသုံးအနှုံးတို့ကို ဘဝရှင်သန်မှုကို ဆန့်ကျင်သော ဆက်သွယ်ဆက်ဆံရေး ဟု သုံးနှုံးထားသည်။
အကောင်းအဆိုး အမှားအမှန်ဆုံးဖြတ်ခြင်း
ဘဝရှင်သန်မှုကို ဆန့်ကျင်သော ဆက်သွယ်ဆက်ဆံရေးတစ်မျိုးမှာ အကောင်းအဆိုး အမှားအမှန် ဆုံးဖြတ်ခြင်းပင်ဖြစ်သည်။ ဆိုလိုသည်မှာ မိမိ၏တန်ဖိုးထားမှုနှင့် သဟဇာတမဖြစ်သော လူတစ်ယောက်၏ အပြုအမူအပေါ် မှားသည် ဆိုးသည်ဟု ဆုံးဖြတ်ခြင်းပင်ဖြစ်သည်။ သူက အရမ်း တစ်ကိုယ်ကောင်းဆန်သည်။ သူမ အရမ်းပျင်းသည်။ သူတို့ အထင်သေးလွန်းသည်။ ဒါဟာ နည်းလမ်းမကျဘူး။ စသည့် အသုံးအနှုံးများကို အကောင်းအဆိုးအမှားအမှန်ဆုံးဖြတ်ခြင်းများ ဖြစ်ကြသည်။ အပြစ်တင်ခြင်း၊ စိတ်ထိခိုက်အောင်လုပ်ခြင်း၊ နှိမ်ခြင်း၊ ခေါင်းစဉ်တပ်ခြင်း၊ ဝေဖန်ခြင်း၊ ယှဉ်ခြင်း နှင့် ဘာမှားသလဲဟု အပြစ်ရှာခြင်းတို့သည် ထိုဆုံးဖြတ်ခြင်းများ ဖြစ်သည်။
ဘဝရှင်သန်မှုကို ဆန့်ကျင်သော ဆက်သွယ်ဆက်ဆံရေးသည် ကျွန်တော်တို့အား မှားသည် မှားသည် ဆုံးဖြတ်တတ်သော ဘဝတွင် ကျင်လည်စေပြီး ရုန်းမထွက်နိုင်တော့ပေ။ ဘဝရှင်သန်မှုကို ဆန့်ကျင်သော ဆက်သွယ်ဆက်ဆံရေးစကားလုံးများကို သုံးပြီး အခြားသူများ၏အပြုအမူကို မှန်သည်မှားသည်၊ ပုံမှန်သည် ပုံမမှန်၊ တာဝန်ယူတတ်သည် တာဝန်မဲ့သည် တော်သည် တုံးသည်ဆိုပြီး ဆုံးဖြတ်သုံးသပ်ကြသည်။
ကျွန်တော် အရွယ်မရောက်ခင်ကတည်းက ကျွန်တော်အတွင်းမှာ ဖြစ်ပျက်နေတဲ့အရာတွေကို ဖေါ်ပြဘို့မလိုတဲ့ ဆက်သွယ်ဆက်ဆံရေးကို သင်ယူခဲ့ရတယ်။ ငါနဲ့မကြိုက်တဲ့ ငါနားမလည်တဲ့ အပြုအမူမျိုး လူတွေလုပ်တဲ့အခါ သူတို့မှားတယ်လို့ ငါတုန့်ပြန်လေ့ရှိတယ်။ ဆရာက ကျွန်တော်မလုပ်ချင်ဆုံး အလုပ်တစ်ခုကို ခိုင်းသောအခါ ဆရာကို အကျင့်ယုတ်သည်။ အဓိပါယ်မရှိလိုက်တာဟု ဆုံးဖြတ်သည်။ ကျွန်တော်တို့ ဆိုင်ကယ်စီးလာစဉ် တစ်ယောက်ယောက်က ဖြတ်ဝင်လာလျှင် ငါကိုယ်တုတ်မည်။ နည်းနည်း ယဉ်ကျေးချင်ရင် ခွေးမသား သေချင်ပြီထင်တယ်လို့ ပြောမယ်။ အခြားသူများ၏ လုပ်ကိုင်ဆောင်ရွက်ပုံသည် ကိုယ်ရဲ့သဘောနဲ့ မတိုက်ဆိုင်လျှင် ဒီလိုမျိုး ဆက်သွယ် ဆက်ဆံရေး စကားမျိုးပြောဆိုသောအခါ ကျွန်တော်တို့၏ အာရုံစိုက်မူသည် ကျွန်တော်တို့ရဲ့ တစ်ပါးသူရဲ့ လိုအပ်ချက်နှင့် မည်သို့ ရယူမည်ကို မစဉ်းစားပဲ မည်သူ မည်မျှ မှားယွင်းသည်ကို ဆန်းစစ်ခြင်း၊ ခွဲခြမ်းစိတ်ဖြာခြင်းအပေါ် အာရုံပြုကြသည်။ ဥပမာအားဖြင့် ကျွန်တော်ပေးတာထက် သူမက ပိုမို ဂရုစိုက်မှု အသားပေးမှုကို ပိုမိုခံလိုလျှင် သူမဟာ အရမ်းအားနည်းပြီး ဂရုစိုက်ခံချင်တယ်လို့ ပြောတယ်။ ကိုယ်ကို သူမက ကိုယ်လိုသလောက် မပေးလျှင် သူမဟာ ဘာမှ မသိတတ်ဘူး။ အလိုက်အကန်းဆိုးကို မသိဘူး။ ဘယ်လိုဂရုစိုက်ရမယ်ဆိုတာလည်း မသိဘူးလို့ ပြောပြန်ရော။ ငါ့မိတ်ဆွေက ငါ့ထက် ပိုပြီး တိကျမှုကို အသေးစိတ်မှုကို လိုလားလျှင် ဒီလူဟာ အရမ်း ဇီဇာကြောင်တယ်။ သိပ်ပြီး လက်တွေ့မကျတဲ့သူလို့ စွပ်စွဲတယ်။ အကယ်၍သူဟာ ကိုယ်လောက် အသေးမစိတ်ရင် ဒီလူဟာ ဘယ်တော့မှ အစီတစဉ်ကျမလုပ်တတ်ဘူး။ ဖြစ်ကတတ်ဆန်း နိုင်လွန်းတယ်လို့ စွပ်စွဲပြောဆိုပြန်ရော။
ဤကဲ့သို့သော လူသားတို့၏ ခွဲခြမ်းစိတ်ဖြာမှု၊ စီရင်ချက်ချမှုတို့သည် ကျွန်ပ်တို့၏လိုအပ်ချက်၊ တန်ဖိုးထားမှုတို့အား ဝမ်းနည်းဖွယ်ဖေါ်ပြသော ဖေါ်ပြချက်ဖြစ်သည်။ အဘယ်ကြောင့်ဆိုသော် ကျွန်ပ်တို့၏ လိုအပ်ချက်၊ တန်ဖိုးထားမှုများကို ဤနည်းဖြင့်ဖေါ်ပြသောအခါ ကျွန်တော်တို့ကို စိတ်ကသိကအောင့်ဖြစ်အောင် လုပ်သောသူတို့အတွက် ကာကွယ်ပြောဆိုရန် ပြန်လည်ချေပရန် တွန်းအားပေးသကဲ့သို့ ဖြစ်ပေမည်။ သို့မဟုတ် အကယ်၍အခြားသူများက ကျွန်ပ်တို့၏ တန်ဖိုးထားမှု၊ လိုအပ်ချက်များအား သဟဇာတဖြစ်အောင် တုန့်ပြန်သည် ဆိုပါစို့။ သူတို့၏အပြုအမူသည် အကြောက်တရားကြောင့်၊ အပြစ်ရှိသည်ဟု ယူဆသောကြောင့် ရှက်ကြောက်ခြင်းကြောင့်သာ ပြုမူခြင်းဖြစ်သည်။ အဘယ်ကြောင့်ဆိုသော် သူတို့ ဤသို့မပြုမူလျှင် ကျွန်ပ်တို့က မှားသည်ဟု စီရင်မည်ကို ကြောက်သောကြောင့်သာ ဖြစ်သည်။
လူတို့သည် နှလုံးသားမှလာသော ဆန္ဒမပါပဲ အကြောက်တရားကြောင့်၊ အပြစ်ရှိသည်ဟု ယူဆသောကြောင့် ရှက်ကြောက်ခြင်းကြောင့်သာ ကျွန်တော်တို့၏ လိုအပ်ချက်၊ တန်ဖိုးထားမှုနှင့် အညီ သဟဇာတဖြစ်အောင် ပြုမူဆောင်ရွက်လျှင် ထိုဆောင်ရွက်မှုကြောင့် ဖြစ်ပေါ်လာမည့် အကျိုးဆက်တို့ကို ကျွန်ပ်တို့ အနှေးနှင့်အမြန် ရင်ဆိုင်ရမည် ဖြစ်သည်။ အကြောက်တရား၊ အပြစ်ရှိသည်ဟု ယူဆခြင်း ရှက်ကြောက်ခြင်းကြောင့် ကျွန်ပ်တို့အလိုကျအတိုင်း လုပ်သောသူများသည်လည်း မိမိတို့၏ လုပ်ရပ်အတွက် နောင်တွင် ယူကြုံးမရဖြစ်ကာ မိမိတို့ကိုယ်ကိုယ် မိမိတို့ယုံကြည်မှုလည်း အားနည်းလာမည်ဖြစ်သည်။
တစ်ယောက်ကို တစ်ယောက် ကောင်းတယ်ဆိုးတယ်လို့ ခေါင်းစဉ်တပ်တတ်တဲ့ သို့ မကောင်းတဲ့သူ ဒဏ်ပေးသင့်တယ်လို့ယုံကြည်တဲ့ ယဉ်ကျေးမှုနဲ့နှိုင်းစာရင် လူတွေဟာ မိမိတို့ရဲ့ လိုအပ်ချက်ကိုသာ တွေးခေါ်ပြောဆိုတဲ့ယဉ်ကျေးမှုထက် အကြမ်းဖက်မှုတွေ ပိုမို နည်းပါးလာမည်ဆိုသည့်စကားကို ကြားလိုက်ရသောအခါ ကျွန်ပ် မအံ့သြပါ။ ရုပ်ရှင်တွေ တီဗွီတွေမှာ မကောင်းတဲ့သူ အပြစ်ဒဏ်ပေးခံရမယ် ဆိုတဲ့ စကားကိုပေးတဲ့ ဇာတ်လမ်းတွေကို ကြည့်ကြတဲ့ ကျွန်တော်တို့ဟာ မကောင်းတဲ့သူကို အကြမ်းဖက်မှုပါတဲ့ သတ်ဖြတ်တိုက်ခိုက်ခံနေရတာကို ကြည့်ပြီး အရသာတွေ့နေကြသည်။

Advertisements

One thought on “Non-violent Communications(NVC)

  1. ကောင်းတယ်ဗျာ..
    အတွေးအခေါ်လေးတွေ။
    ချပြပုံ အရေးအသားကနည်းနည်းမြင့်နေတော့
    တစ်ချို့စာကြောင်းလေးတွေပြန်ပြန်ဖတ်ရတယ်။
    အားပေးနေပါတယ်။ 🙂

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s