လောကဖွယ်ရာ နှုတ်ခွန်းဆက်ပါ

ဆက်-ကြိ / နှုတ်ဆက် / လူချင်းတွေဆုံသော အခါ ဖြစ်စေ၊ လူချင်း ခွဲခွာသောအခါဖြစ်စေ လောကဖွယ်ရာစကား ပြောဆိုသည်။ မြန်မာ အဘိဓာန် အကျဉ်းချုပ်(အတွဲ ၂)

ကျနော်တို့လူတွေမှာ နေစဉ်နေတိုင်းပဲ ပြောနေ ဆိုနေရတဲ့ စကားတစ်ခွန်းရှိတယ်။ အဲဒါကတော့ နှုတ်ဆက်တဲ့ နှုတ်ခွန်းဆက်စကားပါပဲ။ ကိုယ်သိတဲ့လူ ကိုယ်ခင်တဲ့လူ၊ ကိုယ်မျက်မှန်းတန်းနေတဲ့လူ ကို တွေ့မိတဲ့အခါ ကျနော်တို့ နှုတ်ဆက်ကြတယ် လောကွက်ပြုတယ်။ ဒါဟာ လောကကို နေချင့်စဖွယ် ပျော်ရွှင်ဖွယ်ဖြစ်အောင် လုပ်တဲ့ လူသားတွေ ယဉ်ကျေးမှု ပြယုဂ် တစ်ခုပါပဲ။
ကရင်ကြီးက အော်မေဝှီးလယား လို့ နှုတ်ဆက်မယ်။ ကချင်ကြီးက ကဂျာအီး လို့ နှုတ်မက်မယ်။ မွန်ကြီးက မညေးရာအောင် လို့ နှုတ်ဆက်မယ်။ မြန်မာပြည်သူတွေက မင်္ဂလာပါ လို့ နှုတ်ဆက်မယ်။ အချို့ ဗုဒ္ဓ နမောဗုဒ္ဓဿ လို့ နှုတ်ဆက်တယ်။ မာမှုကြီးက ဆာလမ်ဝါလေကွန်း လို့ နှုတ်ဆက်မယ်။ ဘာဘူကြီးက နမစတေး လို့ နှုတ်ဆက်မယ်။ အချို့ဒေသတွေမှာ နေကောင်းလား ဆိုပြီး မေးတယ်။ အချို့က ဘယ်ကလာလဲ မေးတယ်။ အချို့က စားပြီးပြီလား မေးတယ်။
နှုတ်ဆက်ကြရင် စကား အသံ နဲ့တင်မက ကိုယ်လက်အမူအရာ ဟန် နဲ့ပါ နှုတ်ဆက်ကြတယ်။ လက်ထောင်ပြတာရှိတယ်၊ ပုခုံးပုတ်တာရှိတယ်၊ ခါးကိုင်းပြတာရှိတယ်၊ လက်ဆွဲ ရမ်းတာရှိတယ်၊ လက်အုပ်ချီတာရှိတယ်၊ ခြေထောက်ကိုလက်နဲ့ ထိတာရှိတယ်၊ နှာခေါင်းခြင်း ထိတာရှိတယ် နောက်ဆုံး ရင်ချင်းအပ် နှုတ်ဆက်တာမျိုးလည်းရှိတယ်။
ကိုးကွယ်ယုံကြည်ရာ ဘာသာတရား အလိုက်၊ ကိုယ်ရဲ့ နေထိုင်ရာဒေသအလိုက်၊ လူမျိုး အလိုက်၊ အလုပ်အကိုင်အလိုက်၊ ဝါသနာအလိုက်၊ အသိုင်းအဝိုင်းအလိုက်၊ နိုင်ငံအလိုက် လောကဖွယ်ရာ နှုတ်ဆက် စကားတွေ နဲ့ နှုတ်ဆက်တဲ့ အမူအရာတွေဟာ အမျိုးမျိုးစုံလင်များပြားလှပါတယ်။
ဘယ်လိုပင် နှုတ်ခွန်းဆက်ပုံ တွေ မတူပေမယ့် တူညီတာကတော့ တစ်ယောက်ကို တစ်ယောက် အသိမှတ်ပြုတယ်။ ခင်မင်ရင်နီုးတယ်။ တစ်ယောက်တစ်ယောက် စိတ်ဝင်စားတယ်။ နှုတ်ဆက်ခံ လူရဲ့ ဖြစ်တည်မှု ကို နှုတ်ခွန်းဆက်တဲ့ လူက အသိမှတ်ပြုတယ် ဆိုတာကိုပြတာပါပဲ။
အညာက အချို့ဒေသတွေမှာဆို အရမ်းခင်တဲ့ လူတွေ နှုတ်ဆက်ရင် အမေတွေ နှမတွေ ကိုင်တုတ်ပြီးနှုတ်ဆက်ကြတယ်။ အရမ်းကြီးခင်နေတဲ့ လူတွေအချင်းချင်း ရိုရိုသေသေတွေ ဖြစ်နေရင် မခင်ကြဘူးလို့ ခံယူကြတယ်။ နှုတ်ဆက်ပုံ နှုတ်ဆက်နည်း ကို ကြည့်ပြီး ခင်မင်သိကျွမ်းမှုရေချိန် ကို လည်း ပြောလို့ရတယ်။
တစ်ယောက်တစ်ယောက် သိနေလျက် တွေနေ မြင်နေလျက်နဲ့ နှုတ်မဆက်ဖြစ်ကြရင် နှစ်ဦးသား ဆက်ဆံရေးမှာ အဖုအထစ်လေးတွေ ဖြစ်နေတယ်ဆိုတာကို ပြတာပါပဲ။ သိနေလျက် မနှုတ်ဆက်ဖြစ်ရင် တစ်ယောက် ဖြစ်တည်မှုကို တစ်ယောက် မသိတော့ အသိမှတ်မပြုတော့ဆိုတဲ့ သဘောပါပဲ။ မင်းကို ငါမခင်ဘူး၊ မင်းကို ငါမကြိုက်ဘူး နောက်ဆုံး မင်းဖြစ်တည်နေတယ်ဆိုတာကို ငါ အသိမှတ်မပြုဘူး ဆိုတာကို အသံတိတ် ပြောလိုက်တာပါပဲ။
နှုတ်ဆက်လိုက်လို့ ကိုယ်စိုက်ထုတ်လိုက်ရတာ သိပ်မများပေမဲ့ တဘက်က အကျိူး ကတော့ အများကြီးပါ။ နှုတ်ဆက်ခံရတဲ့သူ က ပျော်သွားမယ်။ ကြည်နှုးသွားမယ်။ သူကလည်း ပြန်နှုတ်ဆက်မယ် ကိုယ်လည်း ပြန်ပျော်သွားမယ်။ သူလည်း ပျော်မယ် ကိုယ်လည်း ပျော်တယ်။ ဘယ်လောက်ကောင်းလိုက်လဲ။
သူရှိနေလို့ ကိုယ်ရှိနေတာ
ကိုယ်ရှိနေလို့လည်း သူရှိနေတာမဟုတ်လား
မောင်ဥဂ္ဂါ
ည ၁၀ နာရီ ၄၃ မိနစ်
13-Jan-2016
ပြာဆိုလပြည့်ကျော် ၄ ရက် ၁၃၇၇ ခုနှစ်
Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s